منتديات شقيب السلام


 
الرئيسيةمواقع مهمهالتسجيلدخول

شاطر | 
 

 الحلم

اذهب الى الأسفل 
كاتب الموضوعرسالة
زائر
زائر



مُساهمةموضوع: الحلم   الأربعاء أكتوبر 21, 2009 11:26 pm

من أول ما رجعت من السفر ما شفت لك بينه..
وأنا إلي أحسبك قبل أدوس ارض المطار تجين..
تكونين أنتي أول شخص عيني تحتضن عينه..
وكنت أتخيلك من زود فرحة رجعتي تبكين..
وأشوف بدمعتك حكيك واعرفه قبل تحكين..
و أزيد أحلى من إلي بتحكينه وأتركك تحكين..
تقولين الوطن نور أقول نور مضوينه..
تقولي لي غديت أحلى أقول عيونك الحلوين..
كلام نام بشفاهك وخفتي لا تصحينه..
ذخرتي الغرام إلي ينام ويتركك تصحين..
تغانمتي غيابي لين رجحتي موازينه..
تعلم من يدك لمس الكفوف وعلمك تجفين..
وليتك لاقيته به شي فيني ما تلاقينه..
مهوب غرور لكن خابرك مالك امل تلقين..
تغافلك بغلا وإلا الحلا مهوب من زينه..

تزينه الصور والصحيح ابن الحلال زوين..
وانا ماني ناقص عنه يوم انتي تبدينه..
نصيبي هو نصيبي لو يسددها من الصوبين..
قنوع بمظهري والسم مايذبح ثعابينه..
على قول المثل ماني حلو لاكن ماني شين..
إذا اهداك الزهر مره فأنا اهديتك بساتينه..
وإذا الهاك بفرح ليله انا اقتل بكاك سنين..
وإذا استضعفتك املاكه وشتتك ملايينه..
انا حتى فتات الخبز اقسمها معك نصين..
طموحي بس اجي واظفر بشئ تستحقينه..
تدينته تسلفته سرقته مو مهم منين..
كاني من كثر ماارضى بكل إلي تمنينه..
لو إنك تطلبين الله يعنيني بقول آمين..
انا ماالعب على الحبلين وقت الطيش وسنينه..
تبين الحين يوم إني كبرت العب على الحبلين..
ترى عند البدو بذات عيب إلي تسوينه..
حلاتك لاعشقتيني تعشقيني ليوم الدين..
غرام نسكن ضلوعه حشيمه من مجانينه..
جفا يجمع معزتنا ولا عشق يذل ثنين..
كثار إلي تحدوني وقالوا تحبينه...
امانه لاتخليني صغير بعينهم تكفين..
لأني كل ماقالوا تخون اقول مسكينه..
عليك الله وامانه علميهم من هو المسكين..
انا خايف لاطاح الجمل تكثر سكاكينه..
وانا ماعادت ضلوعي تحمل طعنة السكين..
مثل ماقالوا المكتوب واضح من عناوينه..
لو ارحل منك للغربه واسافر من ضلامك وين..
كفايه كل حلم يمر في رقادي تزورينه..
كفايه من تفارقنا وانا ماغمضت لي عين..
قبل يومين شفتك في المنام وقمت من حينه..
ونمت امس ورجع نقس المنام إلي قبل يومين
الرجوع الى أعلى الصفحة اذهب الى الأسفل
عزف الدموع
مشرف منتدى الشعر والخواطر
مشرف منتدى الشعر والخواطر
avatar

عدد مساهماتي : 1001
الجنس : انثى
الدوله : فلسطين
27
نقاط : 1348

مُساهمةموضوع: رد: الحلم   الخميس أكتوبر 22, 2009 12:56 pm

كلمات في قمة الروووعه
تسلم ع هالطرح الراقي والرائع
الله يعطيك الف عافيه

الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: الحلم   الجمعة أكتوبر 23, 2009 2:59 pm

يسلمو ابو علي ع كلماتك الرائعه


يعطيك الف عافيه ع مجهودك

تحياتي الك
الرجوع الى أعلى الصفحة اذهب الى الأسفل
 
الحلم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شقيب السلام  :: المنتديات الادبيه :: الخــواطــر و الشعر والنثــر-
انتقل الى: