قصيدة مؤثره وربي بكتني.........

*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه) [ندعوك للتسجيل في المنتدى أو التعريف بنفسك لمعاينة هذه الصورة]

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال [ندعوك للتسجيل في المنتدى أو التعريف بنفسك لمعاينة هذه الصورة] والبيت أعلاه يبكي حتى القلب القاسي

اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)[ندعوك للتسجيل في المنتدى أو التعريف بنفسك لمعاينة هذه الصورة]
الله يكون فعونها آميــــــــــــــــن

ابوعلي كتب:

الجنه تحت اقادم الامهات
قصيده مؤثره
مشكوه على الطرح
دمتي بهذا العطاء
تقبلي مروري

هلااااااااا اخي الكريم
ابو علي
مشكوووور على الرد وعلى
تواجدك
ععلا ان الجنه تحت اقدام الامهات
بس وين اللي يسمع
ويفهم.
ودمت بحفظ الرحمن

هلااااااااا بيكم جميعا
ذايب فيها ....ورنيم الايمان
مشكووورين على الرد الرائع
وتواجدكم الاروع.

ودمتم بحفظ الرحمن